انا وقلبي ومجموعت شباب

البارت الاول...

انا من حقي اغير حولك العالم كثير....>>موبايل قمر يرن
قمر:هلا بالزين كله
شجن:هلا بقمر الكون...كيفك؟؟
قمر:حمدلله عايشه..وانتي طمنيني عنك؟؟
شجن:حمدلله بخير انـــــــــــــــــــــــــــــــا
قمر:والله انا اسمع ماله داعي كل هالصراخ سمعتي الجيران
شجن:ههههههههه وحشتيني يالدبه يالله تعال بيت جدتي
قمر:مدري افكر مع اني عندي امتحان يوم الاثنين وجالسه اذاكر
شجن:اوه يالدافوره
قمر:والي يرحم والديكي لاتفشليني هدي الماده الي حملتها السمستر الي طاف
والحين اعيدهاا
شجن:هههههههههههه زين انا جايتك وحشتيني
قمر:استناك..سيا
شجن:سيااااااا


قمر..بيضاء صافيه البشره كالقمر...تملك عيون دباحه بنيه اللون ..شعرها يغطي طول ضهرها ناعم وبني مثل لون عيونها حبوبه وطيوبه وعمرها 20 سنه

شجن:بنت خالت قمر واصغر منها بسنه.. دبدوبه وسمراء البشره وشعرها اسود وناعم ...ومثل بنت خالتها قمر طيوبه وعسل

قمر جالسه تذاكر بغرفتها ....
اندق باب غرفتها..قمر بدلع...مين؟؟؟
شجن:بنت خالتك شجن المصون
قمر قامت لها وضمتها بقوه
شجن:دبحتيني
قمر:وش اسوي من الشوق
شجن: احم احم ادري ماتقدرين تفارقيني
قمر:اموت انا ع الثقه الزيده
شجن:اعجبك انا
قمر:من جيتي معاه؟؟؟!
شجن:جيت انا واختي غيداء
قمر:اهااا

نأخد فكره مبسطه عن عائلة قمر....
أبوراشد:والد قمر وهوه موظف عادي باحدى الدوائر الحكوميه وحالتهم الماديه متوسطه
ام راشد:والدة قمر وطيبوه لاقصى درجه وتحب اولادها بكثره
نوف:اخت قمر الكبيره ومتزوجه وعندها بنت عمرها 3 سنوات واسمها ملاك
الجازي:اخت قمر الوسطى ومتزوجه وعندها بنت عمرها سنتين واسمها رغد
راشد:اخ ساره الكبير..اسمراني وطويل وله اكتاف عريضه وعمره 24 وموضف بشركه اهليه
فيصل:اخ قمر الاوسط ...حنطي وطويل ولساته بالدراسه وعمره 22
وبعدهم انـــــا طبعا...قمر
نور:اصغر من قمر بــ8 سنوات وتدرس بالمدرسه وعمرها 12 سنه
اخر العنقود...فواز...وعمره سبع سنوات وبالمدرسه

وباقي الشخصيات تتعرفون عليها مع احداث الروايه


نرد لقمر وشجن وهم بالغرفه....
شجن:اخبار الحبايب؟؟
قمر:لاتذكريني تعبت انا منهم كل يوم زعلان لي واحد
شجن:الله يعينك ترضين واحد ويزعل الثاني
قمر:بلحظة صمت سكتت وردت داكرتها لخمس سنوات وراء
تفكر لما تخرجت من المتوسطه بتتنتقل لمرحله جديده بتغير حياتها وبتحدد لها مصيرها بالمستقبل..
قمر:يمى يمى..باركي لي نجحت بامتياز وتخرجت..وهي تناقز بالصاله
ام راشد:مبرووووك يابنتي وعقبال ماشوفك دكتوره
قمر:خلنا نخلص الثانويه يمى بعدين نفكر بالجامعه
ام راشد:وليه ماتفكرين تكملين الدراسه؟؟
قمر:الحين مافكر انا ادخل جامعه بعد ثلاث سنوات يصير خير
ام راشد:وطي صوتك لايسمعك ابوكي ويقوم البيت علينا
قمر:زين يمى..بس قولي الى ابوي اني ابي جوال هدية نجاحي انا صرت كبيره والي اصغر مني عندهم وانا لا
ام راشد:زين بقول له
راحت قمر لغرفتها..الي بنفس الطابق ونامت
بيت قمر عباره عن شقة بالطابق الثاني لبيت جدها ومكون من غرفة ام راشد وابو راشد...وغرفه لبنات.وغرفه لاولاد...وغرفة جدة قمر الي ساكنه معهم
وبالطابق الاول يسكن عم قمر الوحيد مع زوجته واولاده.
قمر تذكر فرحتها لمى اشترى لها والدها الجوال وكانت مبسوطه وطايره من الفرحه..اول مسج رسلته الى ابوها تشكره من قلبها ع جوال
وجلست تخزن ارقام اهلها كلهم...
تذكرت صديقة عمرها ورفيقة دربها ..مشــــــــــــــــــــاعل..
دقت عليها من الثابت وتخبرها ان اخدت لها جوال
بحكم ان مشاعل ماعندها..اخدت رقم اخت مشاعل...منار..عشان اتواصل معها
مرت اسابيع ع بداية العطله الصيفيه وقمر مبسوطه وطايره بالجوال
دخلت ام راشد ع قمر وهي تغني...ماشي وين ولسه في قلبي كلام ...ماشي وين ولسه بعيوني ملام..
ام راشد:قمر
قمر:سكتت ولفت ع امها..تناظرها
ام راشد:جهزي اغراضك بنسافر بعد يوميين
قمر:تناقز ع سرير وطايره من الفرحه ..بنسافر بنسافر..هي هي هي..
ام راشد:بدال هالتناقز هذا كله ياريت ترتبين غرفتك وتنظفينها قبل السفر
قمر:وهي متفشله زين زين يمى.
بعد مرور شهر ع سفر قمر...ردت قمر لديرتها الحبيبه...
قمر:وه ياقلبي ارضك يالسعوديه وحشتيني موت...وحشني جوك الخوفاق هع هعاآع
وصلت قمر البيت مع ابوها واخوانها وراحت نامت ع طول
جلست من نوم تذكرت جوالها بالدرج وراحت بسرعه وفتحته لان ماخدته معها بالسفر...
قمر وهي تضم الجوال واااااااااااااااااااي وحشتني
فتحت جوال وشافت عدة مسجات واصلتنها حطت الجوال ع شاحن ..وراحت اخذت شاور..ولبست بنطلون جنز وبلوزه ورديه ناعمه وفكت شعرها وحطت مرطب خفيف ع شفايفها...وطلعت قمر بمعنى كلمه بنعومتها..
راحت المطبخ ولقت امها هناك..
قمر:يمى انا جوعانه شنو الغذاء
ام راشد:ابوك جاب لنا من المطعم وانا خليت لك الى لمن تصحين وتاكلين
قمر:جالسه بالصاله تشاهد وهي تاكل.
فيصل:وهوه جاي من برى..فتح الباب باقوى ماعنده
قمر بننفسها *والله لو احد مار عند الباب وانت فاتحه كان ودع الدنيا بثواني
فيصل:الي اعرفه ان الناس الحين تتعشى مو بتتغداء
قمر:..........
فيصل:قمر ياقمر الليل..شدعوه حاقرتنا احنا هنا.
قمر:خير انت وجهك شتبي ماخليتني اتهنى بغداي
فيصل:الحين الناس تتعشى لو تتغدائ
قمر:كيفي انا...انــــــــــــــــا غير البشر..سمعتني
فيصل:يامال الوجع بطيتي اذني..
قمر:جزاك واقل من جزاك..مناك مناك عني خلني اقوم اغسل قبل مايجون الضيوف
فيصل:عدال اقول لايطق لك عرق..ادري عنك بتنافخين قدام الضيوف انا رحت وانا شريت وانا سويت كدا وكدا..
قمر:مو شغلك انت..
فيصل:لاتنسي تقول لي عن طيحتك من فوق الجبل قدام الناس هههههههههههههههه
قمر:صج ماتنعطى وجه.
فيصل: ههههههه ويووو تفشلت...خساره ماصورتك والله كان اهبل فيكي
قمر راحت المطبخ وهي مقهوره من فيصل..
عند الساعه تسع امتلى بيت قمر بالضيوف من خالتها وبنات خالتها وصاحبتها مشاعل..
وجلست قمر تقول لهم من يوم سافرت لين ردت وشو صار لها وشنو سوت
ام راشد:قمر..
قمر.نعم يمى
ام راشد:قومي سوي لنا الشاهي خلص الي عندنا
قمر: ان شاء الله يمى
طلعت قمر رايحه مطبخ ولقت فيصل بوجها...
فيصل:عسى قلتي لهم عن طيحتك قدام الناس؟؟
قمر: روح عن وجهي لا ارتكب فيك اليوم جريمه...
فيصل:ههههههههه
طلع فيصل من المطبخ وهوه مطلع لسانه ويضحك عليها وهي معصبه
انقضت الساعات بسرعه عند قمر وسوالفها بالسفر وكل راح بيته
قمر:واااي تعبت اليوم ودري ارتاح
ام راشد:خلاص خلي باقي الغسيل علي وانتي روحي نامي
ماصدقت خبر من امها وطيران ع غرفتها...دخلت راحت لجوالها كم ساعه ماتدري عنه..فتحته لقت خمس مكالمات لم يرد عليها...كان رقم غريب ماتعرفه
حقرته ونامت...

البارت الثاني..

مراسبوع ع قمر وهالرقم الغريب كل يوم يدق عليها وهي حاقرته
بالليل رسلها لم مسج..
موسيقى هادئه...فتحت جوال قمر..شافتها مسج وفتحته
الغريب..لو سمحتي دقيقه بس ردي..
قمر:اوف منه شيبي دا ماكو فكا منه..ارد عليه لو لا..احقره احسن
جوال قمر يرن مره ومرتين وثلاث واربع....
قمر:ارسل له مسج واشوف من احسن؟
كتبت قمر مسج...من انت؟؟...ودزته له وهي متوتره وخايفه من الي سوته
وصلت لها مسج..بعد دقيقتين..فتحتها..وكان مكتوب ردي علي وبقول لك من انا..
قمر:ياربي من يكون وشنو يبي مني..قطع افكارها صوت جوال يرن
ردت قمر بصووت متررد..
قمر:الووو
المتصل:هلا والله
قمر:.... من معي؟؟
المتصل:اسمعي قصتي واحكمي عليها..
قمر:مالقيت الى انا تقول لها قصتك عندك غيري كثير
المتصل:طيب سمعيها انتي اول.
قمر:سمعنا..
المتصل:انا كنت احب بنت وصار لي سنه انا احبها وهي تحبني..
قمر:وبعدين؟؟
المتصل:وقبل كم شهر اتصلت فيني وهي كانت مسافره..وقالت اتركني وكل شي بينا انساه..انا انخطبت وموافقه وادا رجعت من سفري بملك..وانت الله معك..
قمر:وانت شنو ردت فعلك؟
المتصل:سكت ماعرفت شنو اقول لها..وسكرت
قمر:طيب قلت لي قصتك والمطلوب مني؟؟!
المتصل:بس هدي قصتي انتي شنو رايك فيها؟؟
قمر:عادي مافيها شي كل واحد ياخد نصيبه من هالدنيا..
المتصل:انا اسف ادا ضيعت لك وقتك وازعجتك...
قمر:عادي حصل خير..
المتصل:طيب عادي اني اتصل مره ثانيه لوازعجك؟؟
قمر وكـــــــــان جاز لها الوضع
قمر:اوك عادي..
المتصل:مشكوره ويالله انا اخليك ..باي
قمر:باي
قمر في بالها*انا الي سويته صح لو خطا..جوال ماصار له شهرين من اخدته
وابتديه من مكاله شاب...ياربي شنو سويت انا..
قمر وهي سرحانه تفكر...
نوف:قمر قمر...
قمر:نعم..
نوف:صار لي ساعه اكلمك..المهم يالله تجهزي بنطلع السوق.
قمر:ليه نروح السوق؟؟
نوف:ليه ماتبي تجهزين نفسك حق عرسي مابقى الى شهرين؟؟
قمر:وكانها نسيت زواج اختها نوووف...اوه تذكرت يالله دقايق واجهز
نوف:يالله اخلصي لا نتاخر وفيصل ينكب فينا ولا يطلعنا.
قمر:اوه نسيت ماعندي فلووس..
نوف: انت مامنك فايده لو اخليكي اعرس وانتي ماجهزتي حالك...امي عطتني لك فلوس..اخلص يالله..
قمر:زين ياحلى عروس..
نوف:اخلصي انا بروح اشوف الجازي وين راحت..ياانكم بتجنونني..كل وحده بمكان.
قمر:شوفيها بالطابق الثالث..او بالحديقه...هههههههه الي يسمعك من كبر البيت كلها غرفتين ع بعض...
نوف:احمدي ربك ع نعمه انتي احسن من غيرك
قمر:اي ماعلينااا...انا بشيب راسي وبعجز واحنا هدا حالنا ماتغير
نوف:تعبت من موالك هدا وحفظته ..اخلصي وتجهزي..
طلعت نوف والجازي وقمر..مع فيصل الي وداهم السوق
اشترت قمر..قماش احمر غامق مليان ورود واوراق بارزه..عشان توديه للمشغل
يصممونه ع الموديل الي تبيه...
بالسوق قمر تطلع من محل وتدخل بمحل ولا عاجبنها شي..
الجازي:مدري انتي وذوقك كل شي موعاجبك
قمر:والله كل شي وع وقديم انا ابي اكون مميزه ولا اكسسوار عجبني ولا اي صندل يناسب لو فستاني..ابي اكون احلى وحده بالعرس
الجازي:ومتى ان شاء الله بتلاقي الي يرضي حضرت جنابك
قمر:والله وقت مايعجبني شي باخده وباقتناع تـــــــــام..
نوف:هدا اخر محل ندخله وان ماعجبك شي مره ثانيه نطلع ونروح مجمع ثاني وتشوفين لك..
الجازي:انا تعبت وتكسرت رجليني بجلس ع الكرسي وبنتظركم...
دخلت قمر المحل وطالعت بمحل ماعجبها شي وطلعت..
نوف:يالله انا بتصل لفيصل بشوفه وين...عشان يجينا عند البوابه..
الجازي:اكيد مالقيتي شي..
قمر:وليه عندهم شي بالاصل يسكرون المحل احسن لهم..
الجازي:دايما متذمره انتي..
قمر:تحط اصبعها عند راسها..كيفي انـــــــــــا..
ردت قمر وخواتـــــــــها البيت بعد ساعات وهم بالسوق..
ام راشد:توكم جايين..طولتوا..
الجازي:دام معنا الست قمر..ماتبينا نطول..
قمر:اقول سكتي بس انتي سكتي..من اول محل دخلناه اشتريتي كل اغراضك..
الجازي:فاكرتني مثلك مايعجبني اي شي الى بطلعت الروح..
قمر:انا ذوقي صعب..
ام راشد:يالله عاد..بشوف شنو شريتون؟؟
قمر:شوفي يمى بالله يمى شوفي قماشي احلى من قماش الجازي؟؟
ام راشد:لاوالله اثنينهم حلوين..وملبوس العافيه عليكم..
الجازي:ههههههههه ياربي غصب هالبنت تبي يمدحونهاا ويدلعونها..ياماما الزمن الي يدلعونك فييه راح امي ولدت بعدك باثنين ولا نسيتي نور وفواز كل الدلع لهم..ههه
قمر:موتي قهر مايهمني كلامك ..ماما للحين تدلعني ..وهي تطلع لسانها
الجازي:والله ادري انك مقهوره بس ماتبي تبيني لنا..هههههههههه
قمر:اصلا انا الدلع مخلوق عشاني لوتتكلمين من الحين الى بكره ماتهزين فيني شعره..عارفه انا حالي قمر..ودلع بتدلع لو صار عمري مية سنه..
الجازي:اتخيل احفادك يدلعونك وانتي بعصا..هههههههه
قمر:ياشينك بس وانتي تنكتين..
الجازي:حلوه موو ههههههههه
نوف:وانتوا بعدكم جالسات بالاكياس ماقمتوا.؟؟
الجازي:جالسه اهبل باختك الي ماخده بنفسها مقلب بقوه..
نوف:من؟
الجازي:وفي غيرها اختك قمر..ع قولتها انها قمر العيله..ههههههه
قمر وهي حاقرتها وتحوس بالجوال..
نوف:انتوا دايم كدا ولا بتخلصون..انا مارضى ع قموره حبيبتي..الحين يجي فيصل ويهبل فيها بعد..
الجازي:ههههههههههه
نوف:قمر..
قمر:يالبيه..
نوف:دقيتي ع الدي جي تاكدين لي الحجز؟؟
قمر:ايوه دقيت عليهم..وانتحلت شخصيتك وقلت لهم انا العروس نوف...ههههه
نوف:ماتجوزين من سواتك..
قمر:طيب الحين خلاص جهزنا كل شي..متى بنروح المشغل..؟؟
نوف:اكيد بكره بنروح..مافي وقت ..وان شاء الله بس يوافقون يسوونهم لنا بهالمده القصيره..
اخدت قمر الاكياس وحطتهم بالغرفه...وتدكرت مشاعل وحشتها ومن زمان ماكملتها...
راحت قمر تتصل لها من الثابت..ماعندها رصيد بجوالها..
قمر:الوو..السلام عليكم..
الرجال:وعليكم السلام.
قمر:موجوده مشاعل؟؟
الرجال:لحظه اناديهاا
.............................................
مشاعل:الوو
قمر:واخيرا جيتي..من متى وانا انتظرك.
مشاعل:سوري كنت بالحمام..اكرمك الله
قمر:طيب خبريني عنك انتي وش مسويه .؟؟
مشاعل:حمدلله بخير..وانتي طمنيني عنك..خلصتي جهاز زواج اختك نوف؟؟
قمر:والله لسه باقي كدا شغله اخلصهم ان شاء الله
مشاعل:ايوه ابيك منوره بالعرس وتطلعين احلى وحده
قمر:افااا عليك قمر وماتبيها تتطلع قمر..هههههه اكيد هدا زواج اختي الكبيره لازم اكشخ واكون احلى وحده..
مشاعل:عارفتك زين...ههههههههه
قمر:ايوه ابيهم بكره يقولون شوفوا قمر شنو لابسه..وشنو مسويه
مشاعل:يهمك حكي الناس...؟؟!
قمر:مايهمني كثير بس انتي عارفه اني انا احب يمدحوني كثيررررر
مشاعل:هههههه عارفتك وحتى لو ماأحد مدحك انتي تمدحي حالك..
قمر:ههههههه
مشاعل:بس ماسمعتي المثل الي يقول...من مدح نفسه يبي له ...
قمر:واي انتي من وين تجيبي هالامثال المغبره كح كح كح
مشاعل:سمعت امي تقوله هههههههه..
قمر:مووولت..المهم وش يكون هالمثل..انا شعاري من مدح نفسه يبي له بوسه..ويالله عليكي بوسه ..اعطيني بوسه بسرعه..
مشاعل:ههههههههههههههههههههههههههههههههههههههه...وي لي عليكي تبيني اعطيك بوسه واهلي موجودين معي..وش تبيهم يقولون انجنيت..
قمر:مالت عليك انتي وبوسه الي من عندك من قال لك ابيها خليها عندك تخيس..
مشاعل:هههههههههههههههه بطني بطني ههههههههههههه
قمر:بتخلصي ضحك لو اسكر الحين؟؟
مشاعل:لاخلاص بسكت..
خلال هالدقائق دق جوال قمـــــــــر...
قمر:مشاعل انا بقوم مستعجله..
مشاعل:خير شنو فيكي..؟؟
قمر:اخبرك بعدين..بايو
مشاعل..بــ..طوط طوط.....شوف سكرت بوجهي..مدري شنو الي خلاك ع عجله ياقمر وتسكرين بوجهي..بكره نشوف..
دخلت قمر الغرفه وحمدت ربها ان خواتها غير موجودات وسكرت الباب
وردت..
قمر:الوو
المتصل:هلا وغلا..عساني مازعجتك؟؟
قمر:اهلين..لاعادي لاازعاج ولاشي..
المتصل:طيب الحين انتي مشغوله..لو لا؟؟
قمر:ليه؟؟
المتصل:بس بدردش معاك شوي ادا ماعندك مانع؟؟
قمر:لا مومشغوله تفضل اسمعك..
المتصل:شنو اسمك ادا ممكن.؟؟
قمربنفسها* شنو اقول له اسمي ياربي...
قمر:اسمي...ملاك..
المتصل:احلى الاسامي
قمر:تسلم..وانت؟؟
المتصل:انا انا انا...وائل
قمر:بدينا بالكذب>>وانتي وش تتطلعي..ههه
وائل:لااسمي وائل..وعمري 24 سنه وانتي؟؟
قمر:العمر كله يارب..انا عمري 17 سنه>>اوماا عاد صعدتي سنتين فوق
وائل:العمر كله ياربي...
قمر:تسلم.
....................لحظة صمت................
وائل:شنو تدرسين؟؟
قمر:توهقت..انا رايحه اول ثانوي..
وائل:عمرك 17 وتوك بتروحين اول ثانوي
قمر:ايوه لان انا عدت سنتين بمتوسط>>ياهي قويه صراحه
وائل:اهاا عشان كدا يعني..
قمر:انت تشتغل او تدرس؟؟
وائل:انا ادرس محاسبه..
قمر:اممممم حلووو
وائل:ملاك..ممكن توصفين لي شكلك..احس من اسمك انتي ملاك بجد..
قمربنفسها* ملاك وغصب عن الي خلفك بعد
قمر:اممممممممم...........
وجلست قمر>>او ملاك تكلم وائل ساعه تتعرف عليه وهو يتعرف عليها..
شجن:تهز قمر...قمر وين رحتي..
قمر:سوري سرحت شوي
شجن:في اي واحد سرحتي ياكثرهم..؟؟
قمر:رديت بداكرتي لخمس سنوات وراء واول ماعرفت عبدالعزيز
شجن:وع وع ياربي هالمخلوق ماطيقه.
قمر:ههههه وليه.؟؟
شجن:من ربي ماحبه..وهوه قال ان بيجي اهله هدا الخميس المفروض اليوم؟؟
قمر:قال..وقال..بس توني متهاوشه معه..وقلت له لاتكلمني لين تجيب اهلك
شجن:زين تسوي فيه خمس سنوات وانتوا ع هالحال لاجاب اهله ولاتوظف عطال بطال..قاهرني حده..وانتي لو جاء وخطبك بتوافقي..؟؟
قمر:مدري ويالله ياشجن محتاره..لو سالتيني هالسؤال من قبل اربع سنوات كنت بجاوبك..بس الحين..دخل بحياتي..هاني وومحمد وحمد وعدنان ونواف وسعود ونوار ونسيم واسامه ومصعب وماجد وسامر
شجن:وقفي وقفي خلاص لحد يسمعك...كيف ماتنسي من كثرهم..
قمر:خلاص حفظتهم اول واحد عرفته من خمس سنوات الين اخر واحد عرفته من قبل شهر...
شجن:بس انتي توحفه كل هدول..كيف تكلميهم..مدري كيف عندك وقت بصراحه.
قمر:هدول دايمين عندي اكلمهم بجوال ومسن وكم واحد منهم طلعت معاه وانتي عارفه..غير الباقي الي عرفتهم ع الطاير بالشات..كلمتهم يومين وتركتهم..
شجن:اقول قومي نروح بيت جدتي..وجعني راسي من سيرتهم..
قمر:يالله ابدل بس ..
بدلت قمر ملابسها واتجهزت عشان تروح بيت جدتها وتشوف بنات خالتها...وتسولف معهم.لانهم وحشوها بجد...

لبارت الثالث

قمر رايحه لبيت جدتهاا...وهي بالها راح لبعيد..
وصل ليوم زواج اختها نوف قبل اربع سنوات...تدكرت ان وائل صار له اسبوع
ماتصل لها ولا كلمها..وهي ماتدري شنو فيه
قمر:ياربي ليه انا شاغله بالي فيه وهوه ولاسال عني ابي ارتاح اليوم زواج نوف
ابي انام وارتاح عشان اروح الصالون اسوي شعري واحط ميك آب
...نامت قمر وهي تقلب برسايل وائل وتفكر ليه قطعها من اسبوع..
الساعه تسع بالليل ...خلصت قمر وراحت لصاله مع خواتها..
كانت روعه بفستانها الاحمر وشعرها الي مارفعته كله خلته نازل ع اكتافها ملفوف
ورسمة الكحل الي وسعت عيونها..الكل انبهر من جمالها وسمى بالرحمن عليها..
قمر:وهي ترقص بزواج اختها والفرحه ع وجهها...تكلم مشاعل الي كانت ترقص جنبها..تصدقين وائل صار له اسبوع ماتصل فيني..
مشاعل:خله يولي عمره لااتصل..
قمر:مادري والله يامشاعل..
مشاعل:لاتفكرين فيه خلينا نرقص ونستهبل وانسيه..
نست قمر وائل وانشغلت بالرقص والتصوير ولين انفتح البوفيه وراحت اكلت
لانها ميته جوع من الصبح مااكلت...ع ساعه خمس الفجر طلعت قمر من الصاله
راجعه البيت وفي عيونها النوووووم..ونامت بسياره ...
نزلت قمر ع غرفتها شالت الميك اب وفكت شعرها ونامت ع طول..
صحاها مسج وصلها ...فتحت عيونها بتكاسل تبي تشوف ممن مسج؟؟
لقته من وائل..رفعت راسها بسرعه..وكان كاتب فيها..
"انا اسف ملاك والله اطريت اني اسافر الامارات مع اخوي ولا قدرت اكلمك"
قمر وهي تشوف مسج ومقهوره تو الناس تسافر وترجع وانا مادري
رسلت له مسج"طيب كان رسلت لي مسج"
رد عليها وائل"سوري ماجاء ع بالي انا بطريق اداوصلت بكلمك ع طول"
سكرت قمر الجوووووال ونامت ع طول..
مر اسبوع من زواج نوف...وائل كلم قمر وتاسف منها ع سفره المفاجئ وقبلت اسفه..
بكره الدراسه بتبدء..قمر بتتنتقل لمرحله جديده..
قمر تكلم مشاعل:يالله بكره نبدء مرحله جديده..جهزتي امورك
مشاعل:ايوه خلصت كل اموري..بس من بيوصلنا.؟؟
قمر:الحكومه ماقصرت جابت لنا باصات تودينا وتجيبنا بلاش ياحضي
مشاعل:يعني نروح مشي الى موقع باصات الي بتوصلنا مدرسه..؟؟
قمر:اي مشي شفيها سوي رياضه من الصبح..هههه
مشاعل:والضهر بنرجع بتصهرنا الشمس..
قمر:عادي ضحي في سبيل العلم..هههه
مشاعل:انا لو ع كيفي تركت دراسه ولاكملت
قمر:انا المهم اخد الثانويه الحين والجامعه افكرفيها بعدين
مشاعل:انا مالي خلق دراسه زياده كافي علي بالمدرسه تبيني اروح جامعه بعد
قمر:انا بعد مالي خلق بس شنو بيدي امي وابوي واقفين لي عظم ببلعومي..
مشاعل:ههههه الله يعينك...انا بقوم انام وامرك بكره الصبح نروح سوا..
قمر:اوك ...تصبحين ع خير..باي
مشاعل:تلاقين خير..باي
....نامت قمر وتفكر بوائل وحياتها الدراسيه الجديده....>>احلام سعيده
الساعه..5:00 رن المنبه,,,قمر تطفيه..قامت بنشاط اخدت لها شاور ولبست
المريول وحملت حقيبتها وطلعت بصاله تستنى مشاعل..
اندق الباب طلعت قمر وراحت مع مشاعل للمدرسه..
بعد مرور شهرين من بداية الدراسه...
قمر:هلا وائل..كيفك؟؟
وائل:الحمدلله انا بخير..وانتي اخبار الدراسه معك..
قمر:ماشي حالها للحين..
وائل:الله يوفقك يارب
قمر:جميعا,,,ياربي باقي اقل من اسبوع ورمضان بيجي واحنا ندرس..ليه مايعطونا اجازه برمضان كله..
وائل:نهاية رمضان اجازه عشان العيد..
قمر:لا انا ابي اجازه طول رمضان والله تعب..صيام وشمس وحر وعطش
وائل:صبري وربي يجازيك خير.
قمر:اللهم اميييين..
وائل:ملاك...انا ابي اقول لك شي..بس ماتزعلين مني..
قمر:قول ماراح ازعل..
وائل:انا اسمي مو وائل ولاعمري 24
قمر:عادي كنت عارفه ماراح تقول ..ولا انا اسمي ملاك وهم عمري غير
وائل:انا اسمي عبدالعزيز وعمري 20
قمر:وانا اسمي قمر وعمري 15 ...
عبدالعزيز:خلينا نبدء صفحه جديده..
قمر:اوك...نبدء صفحه جديه بدون كذب لكن
عبدالعزيز:طيب ياحلى قمر انتي...
قمر:هههههههههه
عبدالعزيز:فديت الضحكه وربي
قمر.......
عبدالعزيز:اشوف القمر خجلان...هههه,,,طيب قمر مواصفاتك الي قلتيها صح؟
قمر:ايوه كلها صح ماكدبت عليك..
عبدالعزيز:امممممم...انا مثل ماقلت لك طويل وحنطي واكتافي عراض وشعري فيه طول شوي..شوي موواجد..وعيوني بنيه..ماغيرت شي بمواصفاتي
قمر:امممم طيب انا بسكر الحين لان اخاف احد يجي من خواتي ويسمعني
عبدالعزيز:طيب يااحلى قمر اسمع صوتك بكره..باي
قمر:باي
ضمت قمررررررر الجوال لصدرها وهي في بالها انا حبيته لو هي مشاعر مراهقه؟؟
خلاص الاسبوع وبكره رمضاان وقمر متجهزه للتلفزيون ومسلسلات الي بيعرضونها..
قمر:فوازوه اسمعني زين مسلسلات كرتون مافي انا ابي اشهد ياويلك شفتك جالس قبلي..
فواز:انا اصلا بشاهد ام بي سي 3 مو ع كيفك
قمر:اسكت لايجيك كف من الحين انا حجزت التلفزيون من بكره اي شي يعجبني كل يوم بستمر عليه اتابعه..
فواز:بقول الى امي انك مابتخليني اشاهد..
قمر:قول لها مايهمني انا اشاهد تبي تشاهد تجلس وانت ساكت..ماتبي ماشوفك رقعة وجهك عندي..فاهم
قمر:وانت الثانيه>>تكلم اختها نور..مثل ماسمعتي مويجي بكره وارجع من المدرسه
والقاك مسطحه هنا وعندك الرموت ..ياويلك ادفن قبرك هنا
نور:................
قمر:حارقه كمان صبري علييي ارويك شغل الله كيف..
...متتصف الليل....
ام راشد:قمر قومي تسحري..
قمر:مابي شبعانه..
ام راشد:بتجوعين بكره وعندك مدرسه والدنيا صيف..
قمر:مابي شي بس بشرب مويه..
ام راشد:براحتك...
قامت قمر وطلعت من الغرفه وشافت ابوها واخوتها يتسحرون...مرت عليهم وراحت مطبخ وشربت ماي ورجعت غرفتها تنام..
رجعت قمر من مدرسه وبدلت ملابسها بسرعه وراحت ع تبي تشوف شنو عارضين من مسلسلات..كان الرموت عند فواز يشاهد..سحبته من يده
وجلست تغير بالقنوات..
فواز:ليه غيرتي؟؟
قمر:انا قايله لك من البارحه والله نسيت
فواز:زعل وارح يشكي الى امه
ام راشد:قمر وليه ماخده ريموت من فواز؟؟
قمر:اوه يمى انا ابي اشاهد يعني كل سنه برمضان هدي عادتنا
ام راشد:انتي كبيره وعاقله خلي اخوك يشاهد..
قمر:اوف لا يعني لا انا بشاهد
ام راشد:قمر وبعدين لااعلم ابوك عليك
قمر:اوف من هالبيت اوف من هالعيشه..كل كدا احنا ولا بنتغير الناس تغيرت وصارت احسن منا واحنا للحين ع تلفزيون واحد...
دخلت قمر غرفتها وهي تتذمر وتتلحطم وراحت ع سريرها ونامت وهي زعلانه
رجعت ام راشد وهي حاسه بكلام بنتها الي تقوله كل سنه ولاهي قادره تسوي شي
..افطرت قمر وهي زعلانه ولاتكلم احد من اهلها وقامت...
دقت ع عبدالعزيز.
عبدالعزيز:هلاوغلا
قمر:اهلين
عبدالعزيز:كان الحلو زعلان..
قمر:يعني
عبدالعزيز:قولي لي من الي مزعلك
قمر:حضي العاثر...
عبدالعزيز:لاتقولي كدا زين
قمر:زين
عبدالعزيز:ودي اقول شي بس ماودي اضايقك فوق ضيقك
قمر:قول عادي كل الضيقه تجي سوا افضل من يجي كل مره شي يتعبني
عبدالعزيز:انا يمكن اسافر..
قمر:............
عبدالعزيز:الوو..قمر
قمر:معاك...وين بتروح..
عبدالعزيز:تدري اني تركت دراسه هنا..وظيفه مالقيت..بروح امريكا ادرس
قمر:ودمعت عينها..وبتخليني..؟؟
عبدالعزيز:والله مابنساكي..دايم بتضلي بقلبي..
قمر:طيب كم سنه بتروح..وشنو بتدرس؟
عبدالعزيز:يمكن اضل هناك اربع او خمس سنوات..وبدرس هندسه
قمر:بس واجد..
عبدالعزيز:ادري واجد بس كل ماعطوني اجازه برجع البلد وبكلمك بس انتي لاتغيرين رقمك..واحتفظي به
قمر:ووجها مليان دموع..من عيوني مابغير رقمي بس انت لاتنساني
عبدالعزيز:مابي اشوف دموعك والله غاليه علي..يالله قومي غسلي وجهك لحد يشوفك..واكلمك بعدين
قمر:اوك,,,باي

ادعي علي بالموت ولاسمني
بس لاتفارقني دخيل الله وتغيب
طاري السفر يابعد عمري همني
شلون اودع بالمطار اغلى حبيب
تعال قبل تروح عني ضمني
اقرب من انفاسي ترى حالي صعيب
ابنتثر قدام عينك لمني
وبسالك هل نلتقي عما قريب
نسيت حتى اسمي دخيل اسمك سمني
بالي تسميني البي لك واجيك
مجنون عاقل ماعلي من لامني
انا مع نفسي واحس اني غريب
الحظ لوفر لاسف ماعمني
ماعمني غير بعذابي والنحيب
يسالني عن كل عطر منه بي شمني
من قلت بتسافر همل دمعه سكيب
ادعي علي بالموت ولاسمني
بس لاتفارقني دخيل الله وتغيب

ارائكم وتوقعاتكم بالبارت القادم..

مشكور اخوي ولا هنت على التعب
والله طويله ومتعبه
تقبل مروري

مشكو على المرور